Японы төдийгүй дэлхийн жүдогийн ертөнцийн тод од, олимпын аварга Абэ Ута 2025 оны Дэлхийн аварга шалгаруулах тэмцээнд тав дахь удаагаа алтан медаль хүртэж, спортын түүхэнд дахин нэг түүхэн амжилт гаргалаа.
Тэрээр Унгарын Будапешт хотын László Papp спортын ордонд болж, эмэгтэйчүүдийн 52 кг-ийн жингийн барилдаан ширүүн өрсөлдөөнтэйгээр өрнөсөн билээ. Финалын барилдаанд Абэ Ута Косовогийн олимп, дэлхийн аварга Дистрия Красники-тэй тулгарч, гайхамшигтай техник, сэтгэлзүйн тогтвортой байдлаараа ялалт байгуулсан юм. Барилдааны туршид хоёр тамирчин маш болгоомжтой, маш өндөр түвшний стратегитайгаар тулалдсан ч сүүлийн минутанд Абэ Ута хурц дайралтаар “сэой-отоши” техник хэрэглэн ипон хийж ялалтаа баталгаажуулсан юм.
Утагийн хувьд энэ бол түүний тав дахь дэлхийн аваргын алтан медаль бөгөөд 2018, 2019, 2022, 2023 онуудад мөн түрүүлж байсан юм. Ийнхүү тэр дэлхийн таван удаагийн аварга болсон Япон улсын хамгийн залуу эмэгтэй жүдочдын нэг болж байна.
