Монгол Улсын Ерөнхийлөгч Ухнаагийн Хүрэлсүхийн урилгаар төрийн айлчлал хийж буй Бүгд Найрамдах Словени Улсын Ерөнхийлөгч Др.Наташа Пирц Мусар гэр бүлийн хамтаар Чингис хаан Үндэсний музейд зочиллоо.
Ерөнхийлөгч Др.Наташа Пирц Мусарыг Соёл, спорт, аялал жуулчлал, залуучуудын сайд Ч.Номин, Чингис хаан Үндэсний музейн захирал С.Чулуун нар угтан авч музейн танхимуудад зочлон, үзмэрүүдтэй танилцлаа.
Үүний дараагаар Ерөнхийлөгч Др.Наташа Пирц Мусар тус музейн хүндэт зочдын дэвтэрт талархсан сэтгэлийн үгээ бичин, гарын үсгээ зурж үлдээлээ.
