НИТХ-ын Ээлжит VII хуралдаанаар нийслэлийн ЕБС-уудын англи хэлний багшийн хүртээмж, дутагдлын асуудлыг хэлэлцлээ. Нийслэлийн хэмжээнд 210 англи хэлний багш дутагдалтай байгаа бөгөөд Филиппин улсаас багш ажиллуулахад 3.96 тэрбум төгрөг шаардлагатай талаар танилцуулсан байна.
Хэлэлцүүлгийн үеэр НИТХ-ын төлөөлөгч Ч.Батзориг англи хэлний боловсролыг дэмжихийн зэрэгцээ монгол хэл, бичгийн сургалтыг орхигдуулж болохгүйг онцоллоо.
Тэрбээр гадаад багш нарыг өндөр зардлаар урихаас илүү монгол багш нараа чадавхжуулах, дотооддоо боловсон хүчин бэлтгэхэд анхаарах шаардлагатайг хэлж, монгол хэл, үндэсний бичиг, соёлын дархлааг хамгаалсан боловсролын бодлого хэрэгтэй гэдгийг онцолсон юм.
