2024 он улирахад хэдхэн хоног үлдлээ. Зөвхөн миний Монголын гэх омголон хөх өвөл цан хүүргээ савсуулан, цангинан хангинанхан буй энэ гайхамшигт дагшин цагаар уншигч та бүхэндээ бид оны онцлох ярилцлагуудын удаах тоймыг танилцуулж байна.
Бид энэ удаад үндэсний өв соёл, тэр дундаа улс үндэстнийхээ дархлааг сэргээх, хамгаалах, хөгжүүлэх тухай бодлогын хүрээнд үүнийг тээж яваа эрхмүүдийг сурталчлан таниулах хүрээнд хийсэн ярилцлагууд болон Парис хотноо зуны 33 дахь олимпийн наадамд эх орныхоо нэрийг цуурайтуулж, төрийн далбаагаа мандуулсан тамирчдын яриаг редакцын сонголтоор түүвэрлэн уншигчдадаа хүргэлээ.
О.БАТБИЛЭГ: ЯГ МОРЬД ЭРГЭЭД ЗУЛ ЗАДРАХ ТЭР АГШИН Л ИХ СЭТГЭЛ ХӨДӨЛГӨДӨГ ДӨӨ
Тун удахгүй Үндэсний их баяр наадам болно. Монголчууд эрт цагаас эхлэн хурдан хүлэг, эр чадал, эрхий мэргэнийг дээдэлж ирсэн. Тиймдээ морь уралдаж, бөх барилдаж, сур харваж, эрийн гурван наадмаа энх цагийн сайхан хийдэг уламжлалтай.
Тиймээс бид энэ удаагийн дугаартаа Төв аймгийн Сэргэлэн сумын уугуул, Монгол Улсын Тод манлай уяач О.Батбилэгийг урьж ярилцлаа. Тэр бол өнөө цагийн дээд зиндааны шилдэг уяачдыг тэргүүлж яваа, олон түмэндээ хүндлэгдсэн, удам дамжсан уяачдын нэг юм.
Онцлох эшлэл:
Ярилцлага унших линк: https://www.interview.mn/conversation/623-onongiyn-batbileg-yag-mord-ergeed-zul-zadrah-ter-agshin-l-setgel-ih-hdlgdg-d.html
Б.УЛААЛЗГАНА: СУМЫН ЗААН ЦОЛ ЧИНЬ БӨХИЙН УНДАРГА НЬ БАЙХГҮЙ ЮУ
Сэлэнгэ аймгийн Баруунбүрэн сумын харьяат аймгийн начин, хөлийн цэц, “Амжилт кибер” сургуулийн биеийн тамирын багш Б.Улаалзганатай ярилцлаа. Тэрээр улс, аймгийн цолтой бөхчүүдийн барилдаан мөн аймаг цэргийн барилдаанд тогтмол амжилттай барилддаг бөх юм.
Мөн 2023-2024 оны сар шинийн баярт зориулсан “Аймгийн начингуудын барилдаанд” шөвгийн наймд болон шөвгийн дөрөвт шалгарсан шилдэг начин билээ. Үүнээс гадна сумын наадмын долоон түрүү, зургаан үзүүр хүртсэн ховорхон амжилтын эзэн юм.
Онцлох эшлэл:
Ярилцлага унших линк: https://www.interview.mn/conversation/618-bulaalzgana-sumyn-zaan-col-chin-bhiyn-undarga-n-bayhgy-yuu.html
Г.БАТЧУЛУУН: МИНИЙ БАГШ “МОРЬ УНАЖ БАЙГАА ХҮҮХДИЙГ ПЭЛДЭН МЭТ ХАЙРЛА” ГЭЖ ЗАХИДАГ БАЙЛАА
Эртнээс нааш монголчууд бид эрийн гурван наадмаа хийж дэлгэр сайхан наадсаар ирсэн ард түмэн билээ. Энэхүү цэнгэл наадмын нэг бол яах аргагүй хурдан морины уралдаан юм.
Хурдан морины уяа сойлгыг тааруулахад уяач хүнээс ур ухаан, авьяас чадвар нэгэн зэрэг шаарддаг билээ. Тэгвэл өнөө цаг үеийн шилдэг уяач Дундговь аймгийн Дэрэн сумын харьяат, Монгол Улсын манлай уяач Г.Батчулууны ярилцлагыг хүргэлээ.
Онцлох эшлэл:
Ярилцлага унших линк: https://www.interview.mn/conversation/620-manlay-uyaach-gbatchuluun-miniy-bagsh-mor-unazh-baygaa-hhdiyg-pelden-met-hayrla-gezh-zahidag-baylaa.html
Э.ДЭЛГЭРМАА: ДЭЛХИЙН АВАРГЫН ДЭВЖЭЭН ДЭЭР ГАРГАСАН АЛДААГАА ОЛИМПИЙН НААДАМД НӨХӨХ БОЛОМЖ НАДАД БИЙ
Дэлхийд чансаагаараа хоёрдугаар эрэмбэлэгдэж буй чөлөөт бөхийн олон улсын хэмжээний мастер, “Бөртэ чоно-2023” наадмын шилдэг тамирчин, цагдаагийн дэд ахлагч, Хөдөлмөрийн гавьяаны улаан тугийн одонт Э.Дэлгэрмаагийн ярилцлагыг “Спорт”-ын буландаа онцлов.
Тэрбээр өнгөрсөн жил ДАШТ-ээс мөнгөн медаль хүртэж энэ онд болох хүн төрөлхтний эв нэгдлийн бэлгэ тэмдэг болсон олимпод оролцох эрхээ өвөртөлсөн юм. Тэр болгон хэвлэл, олон нийтэд ярилцлага өгөөд байдаггүй ховор зочинтой уншигч та бүхнийг уулзуулж байгаадаа баяртай байна.
Онцлох эшлэл:
Ярилцлага унших линк: https://www.interview.mn/sport/179-edelgermaa-delhiyn-avargyn-devzheen-deer-gargasan-aldaagaa-olimpiyn-naadamd-nhh-bolomzh-nadad-biy.html
ЗӨВЛӨМЖ:
У.СҮРЭНЖАВ: ЭЭЖ НАДАД ХЭЛСЭН. “СҮРЭЭН ТӨР ЧАМАЙГ ШАГНАЛАА. ОДОО БУРУУ ЯВАХ ЭРХ БАЙХГҮЙ ШҮҮ” ГЭЖ...
2023 оны ДАШТ-ий хүрэл, Азийн аварга шалгаруулах тэмцээний алт, хүрэл, “Ханжоу-2023” Азийн наадмын мөнгө, Европын аваргын алт, Дэлхийн чансаа олгох цуврал тэмцээнээс хоёр алт, нэг мөнгө, нэг хүрэл, Олон улсын Гранпри тэмцээний алт, “Парис -2024” паралимпаас алтан медаль хүртсэн монголын анхны эмэгтэй тамирчин, таеквондогийн ОУХМ, Монгол Улсын Хөдөлмөрийн баатар Уламбаярын Сүрэнжавтай уншигчдаа уулзуулж байна.
Тамирчин хүний нэгэн том зорилго, хүсэл мөрөөдөл нь олимпийн тэнгэрт эх орныхоо далбааг хамгийн өндөрт мандуулах байдаг. Харин У.Сүрэнжав үүндээ хүрсэн. Шинэхэн Хөдөлмөрийн баатар маань яг одоо юунд зорьж, тэмүүлж, өөрийн гаргасан бахдам, гялалзсан амжилт, өөр нь ирсэн нэр төр, хариуцлагын ямархан оршихуйн дунд суугаа бол.
Онцлох эшлэл:
Тулаан бүр ширүүн болдог.
Б.БААСАНХҮҮ: БИ ТИК ТОК БҮЖИГ ХИЙХ ДУРТАЙ
Хүн төрөлхтний эв нэгдлийн их баяр олимпын наадмаас манай тамирчид ээлжит медалиа хүртэж ард түмнээ баярлуулан цэнгүүлсэн билээ.
Бид энэ удаа жудо бөхийн 48 кг-ийн жинд олимпын наадмын мөнгөн медаль хүртэж, Монгол Улсын гавьяат тамирчин цолоор энгэрээ мялаагаад удаагүй байгаа Б.Баасанхүүг сэтгүүлийнхээ хойморт зочлохыг урьсан юм.
Онцлох эшлэл:
Ц.БАТТУЛГА: "НАМАЙГ ЯАГААД ИЙМ ТӨРҮҮЛСЭН ЮМ БЭ" ГЭЖ АХИАД БИ ЭЭЖДЭЭ НЭГ Ч УДАА ХЭЛЭЭГҮЙ
Парисын паралимпод Монголын баг тамирчид түүхэнд байгаагүй гялалзсан амжилт үзүүлж, ард түмнээ баясган цэнгүүллээ. Тэдгээр агуу тамирчид монголын 111 мянга гаруй хөгжлийн бэрхшээлтэй иргэдэд итгэл найдвар, урам зориг авчирлаа.
Миний энэ удаагийн зочин тус Парисын олимпоос Хөнгөн атлетикийн төрөлд мөнгөн медаль хүртэж, Монголын хөнгөн атлетикийн түүхэнд цоо шинэ хуудсыг нээсэн, Монгол Улсын гавьяат тамирчин Цэгмидийн Баттулга.
Онцлох эшлэл:
Б.ЭНХХҮСЛЭН: ЗӨВХӨН ӨӨРТЭЙГӨӨ ӨРСӨЛДДӨГ НЬ ХАМГИЙН ГОЁ. ЧИ БОЛОН УСАН СЭЛЭЛТИЙН ЗАМ ХОЁР Л БАЙГАА
Монгол Улсаа төлөөлөн "Парис - 2024" зуны олимпын XXXIII дугаар наадмын усанд сэлэлтийн төрөлд амжилттай оролцсон ОУХМ Б.Энххүслэнтэй ярилцлаа.
Тэрээр өдгөө АНУ-ын Невадагийн их сургуульд усан спортынхоо чиглэлээр 100 хувийн тэтгэлэгтэй суралцаж байна. Мэдээж түүний эрхэм зорилго бол дараагийн олимп. Үндэсний рекордыг эзэмшдэг түүний хэвлэлд өгч буй анхны бүрэн хэмжээний ярилцлага энэ юм.
Онцлох эшлэл:
