Хаврын морин уралдааныг зохион байгуулах талаар Засгийн газрын гаргасан шийдвэр нь нийтийн зүгээс эсэргүүцэлтэй тулгараад байгаа билээ. Тус шийдвэрийн дараагаар Дундговь аймгийн Сайнцагаан сумын засаг дарга С.Бат-Оргил "Хурдан морины уралдаан зохион байгуулахыг хориглох" тухай захирамж гаргажээ.

Тус захирамжид, "Сайнцагаан сумын нутаг дэвсгэрт жил бүрийн арваннэгдүгээр сарын 01-ний өдрөөс тавдугаар сарын 01-ний өдрийг хүртэлх хугацаанд хурдан морины уралдаа, бооцоот уралдаан, мялаалга найрын уралдаан, уралдааны өмнөх үсэргээ, сунгаа зохион байгуулах, оролцохыг хориглосугай. Өвөл хаврын байгаль цаг агаарын таагүй нөхцөлд морины уралдааны үед үүсэж болзошгүй сөрөг нөлөө, үр дагаврыг олон нийт, ялангуяа уяачид, эцэг эхчүүдэд цаг алдалгүй сурталчилж, захирамжийн хэрэгжилтийг хангаж ажиллахыг багийн Засаг дарга, багийн нийгмийн ажилтан, сургуулийн нийгмийн ажилтнууд, морин уяачдын холбооны тэргүүн нарт үүсэг болгосугай” гэжээ. 

Үүнээс гадна Архангай аймгийн засаг дарга Б.Цэрэннадмид хаврын уралдааныг хориглох шийдвэр гаргажээ.