Ерөнхий сайдад Итгэл үзүүлэх тогтоолын төслийг УИХ-ын чуулганы нэгдсэн хуралдаанаар хэлэлцүүлэх болсонтой холбоотой УИХ дахь Ардчилсан намын бүлэг дөнгөж сая хуралдлаа.

Хуралдаанаар Ерөнхий сайд Л.Оюун-Эрдэнэд итгэл үзүүлэх асуудлыг хэлэлцэн шийдэх УИХ-ын чуулганы нэгдсэн хуралдаанд Ардчилсан намын бүлгийн гишүүд санал хураалтад оролцохгүй байх талаар санал хурааж гишүүдийн олонх дэмжжээ. Ингэснээр Ардчилсан намын бүлэг Ерөнхий сайдад итгэл хүлээлгэх тогтоолын төслийн санал хураалтад оролцохгүй юм байна.