Монгол Улсын Ерөнхийлөгчийн Тамгын газрын дарга Г.Занданшатар "Нүүдэлчин" дэлхийн соёлын фестивальд оролцож, Монгол Улсын 21 аймаг, нийслэлийн 1000 орчим өвлөн уламжлагчид, салбарын 150 гаруй байгууллагын төлөөлөл болсон нүүдэлчдийн соёлын өвийг залгамжлан хөгжүүлэн, хадгалж, түгээн дэлгэрүүлж буй өвлөн уламжлагчидтай уулзаж, тэдэнд ажил үйлсийн өндөр амжилт хүслээ.
Мөн “Нүүдэлчин” дэлхийн соёлын фестиваль нь жил ирэх бүр агуулга, хэлбэр, цар хүрээ өргөжин тэлж, нүүдэлчин уламжлалыг хадгалж байгаа нь улс орнуудын анхаарлыг татаж, гадна дотны зочид төлөөлөгчид хүрэлцэн ирж оролцохыг хүсдэг олон улсын арга хэмжээ болтлоо хөгжиж байгааг харахад таатай байна гэлээ.
