Парис-2024 зуны олимпын наадмын буудлагын 50 метрийн урт буун дасгалын финалын шатанд ОУХМ О.Есүгэн өрсөлдөж 407.6 оноо авснаар долоодугаар байрт бичигдэж тэмцээнээ өндөрлөлөө. Тэрээр үүний өмнө 589 оноогоор дөрөвдүгээр байр эзэлж финалд шалгарсан юм. 

Ийнхүү урт бууны төрөл 12 жилийн дараа монголын тамирчин шигшээд шалгаран өрсөлдөж түүхэн амжилтыг үзүүлэв. 

Буудлагын багаас олимд манай орны гурван тамирчин өрсөлдсөн бөгөөд хийн гар бууны төрөлд Э.Даваахүү наймдугаар байр эзэлсэн бол О.Есүгэн ийнхүү долоодугаар байр шалгарч, ОУХМ Н.Баяраа 30 дугаар байр эзэлсэн юм. Харин урт бууны холимог төрөл Монголын баг 16-р байрт шалгарсан амжилттайгаар олимпын наадмыг өндөрлөлөө.