“Налуу-Ухаа” эдийн засгийн тусгай бүсийн хөгжлийн ерөнхий төлөвлөгөө болон тусгай бүсийн тухай хуулийн төсөлд санал авах салбар дундын хэлэлцүүлэг зохион байгуулагдана.
Хэлэлцүүлгээр тусгай бүсийн хөгжлийн бодлого, газар ашиглалт, бүсчлэл, тээвэр болон инженерийн дэд бүтэц, хөрөнгө оруулалт, үйлдвэрлэл, худалдаа, үйлчилгээ, аялал жуулчлал, логистик, инновац технологийн хөгжлийн боломж зэрэг асуудлыг хэлэлцэнэ.
Мөн тусгай бүсийн үйл ажиллагааг зохицуулах хууль, эрх зүйн орчныг боловсронгуй болгох, төр, орон нутаг, хувийн хэвшил, мэргэжлийн болон иргэний нийгмийн байгууллагуудын оролцоог хангах асуудлаар санал авна.
Хэлэлцүүлгийг “Налуу-Ухаа” эдийн засгийн тусгай бүсийн Захирагчийн ажлын алба, “Налайх үйлдвэр, технологийн парк” ОНӨААТҮГ, “Налайх хөгжлийн корпораци” болон МҮХАҮТ хамтран зохион байгуулна.
