“Сэлбэ 20 минутын хот” төслийн хүрээнд төлөвлөсөн 113 блок орон сууцны барилгын бүтээн байгуулалт үргэлжилж байна.

Төслийн эхний 12 давхар барилгын үндсэн карказ болон төмөр бетон цутгалтын ажил бүрэн дуусаж, өрлөг, инженерийн шугам сүлжээ, дотор заслын бэлтгэл ажлуудыг эхлүүлжээ. Эдгээр 12 давхар барилгуудыг ирэх оны хоёрдугаар улиралд ашиглалтад оруулахаар төлөвлөсөн байна.

“Сэлбэ 20 минутын хот” нь зөвхөн орон сууцны хороолол бус, иргэдийн өдөр тутмын хэрэгцээт үйлчилгээг нэг дор төвлөрүүлсэн шинэ хот төлөвлөлтийн загвар байх юм.

Төслийн хүрээнд сургууль, цэцэрлэг, эрүүл мэндийн байгууллага, худалдаа үйлчилгээ, оффис, спорт, соёлын байгууламж, ногоон байгууламжийг цогцоор нь төлөвлөж, иргэдийн амьдралын чанарыг сайжруулах орчин бүрдүүлэхээр ажиллаж байна.