Парис – 2024 олимпын наадмын чөлөөт бөхийн эмэгтэйчүүдийн 62 кг-ын жинд П.Орхон эхний тойрогт Украйны бөх Ирина Колиаденкотой таарч, 7:8 харьцаатайгаар буюу ганцхан онооны зөрүүтэй ялагдсан билээ.
Харин Ирина Колианденко шөвгийн дөрвийн барилдаанд Киргизийн бөх Тыныбекова Айсулууг ялснаар манай тамирчин дагаж барилдах эрхтэй болсон юм. Тэрээр Болгарын бөх ДАШТ-ийн алт, мөнгөн медальт Биляна Дудоватай дагах барилдаанд барилдаж 3:1 харьцаатай ялснаар хүрэл медалийн төлөө Киргизийн бөх Тыныбекова Айсулуутай барилдахаар боллоо.
