Парис-2024 олимпын наадмын чөлөөт бөхийн эрэгтэйчүүдийн 125 кг-ын жинд МУГТ М.Лхагвагэрэл эхний тойргийн ялалтаа авлаа. Тэрээр ДАШТ-ийн хүрэл медальт, Пан Америкийн аварга, АНУ-ын тамирчин Мейсон Пэррисийг 10:5 харьцаатай буулган авав.
Ийнхүү ДАШТ-ий мөнгө (2022), хүрэл (2021), 2023 оны Азийн аварга, 2022 оны Азийн наадмын мөнгө, Залуучуудын ДАШТ-ий хүрэл, залуучуудын Азийн АШТ-ий мөнгө, "Хилчин" спорт хороо, Үндэсний шигшээ багийн тамирчин М.Лхагвагэрэл шөвгийн наймд шалгарав.
Тэрээр дараагийн барилдаандаа Африкийн олон удаагийн аварга, Египетийн Диааелдин Камал, Азербайжаны гүрж бөх Георгий Мешвилдишвили хоёрын ялсантай нь барилдана.
