Парис-2024 зуны олимпын наадам тав дахь өдрөө үргэлжилж байна. Өнөөдөр Монголын Үндэсний шигшээ багийн таван тамирчин буудлага, байт харваа, жүдо, боксоор өрсөлдөнө.
Үүнээс боксын эмэгтэйчүүдийн 54 кг-ын жинд Үндэсний шигшээ баг, Алдар спорт хорооны тамирчин ОУХМ М.Энхжаргал Румыны тамирчин, ДАШТ-ний мөнгөн медальт Ленута Лекрамиоараг 4:1 харьцаатай ялж шөвгийн наймд шалгарсан бөгөөд хагас шигшээд шалгарах тулааныг Туркийн боксчин, Дэлхийн аварга Акбас Хатичетай хийнэ.
- 15:30 цаг: Байт харвааны эрэгтэйчүүдийн ганцаарчилсан төрөлд Б.Отгонболд
- 16:00 цаг: Жүдо бөхийн эрэгтэйчүүдийн -100 кг-ын жинд Б.Гончигсүрэн
- 16:00 цаг: Жүдо бөхийн эмэгтэйчүүдийн -78 кг-ын жинд О.Хүслэн
- 18:00 цаг: Буудлага спортын эмэгтэйчүүдийн 50 метрийн урт бууны гурван байрлалаас буудах дасгалд О.Есүгэн нар өрсөлдөх юм.
