Нийтээр тэмдэглэх баярын болон тэмдэглэлт өдрүүдийн тухай хуулийн 5.2, 7.1 дэх заалтыг тус тус үндэслэн Монгол Улсын Засгийн газрын 2019 оны “Журам батлах тухай” 204 дүгээр тогтоолоор "Соёл, урлагийн ажилтны өдөр"-ийг есдүгээр сарын хоёр дахь долоо хоногийн ням гарагт үндэсний хэмжээнд тэмдэглэж байхаар тогтсоноос хойш өнөөдөр 32 дахь намартайгаа ийнхүү золгож байна.
Энэхүү тэмдэглэлт өдөр нь дэлхий даяар тархан суугаа соёл, урлагийн салбарт хүчин зүтгэж буй хүн бүрийн эзэмшсэн мэргэжил, эрхэлж буй ажлаараа бахархах, омогших, үлгэрлэн таниулах, түүчээлэн өвлүүлэх бахархалт өдөр юм.
“Соёл, урлагийн ажилтны өдөр”-ийг тохиолдуулан соёл, урлагийн салбарын төлөөллүүд хуран цугларч салбарын шилдгүүдээ тодруулж, Соёл, спорт, аялал жуулчлал, залуучуудын сайд Ч.Ундрам стратеги, бодлогоо танилцууллаа.
Соёл, урлагийн ажилтны өдрийг тохиолдуулан нийслэл болон 21 аймагт баярын хурал, урлагийн тоглолт, спортын уралдаан тэмцээн, бүтээлч өдөрлөг зэрэг олон арга хэмжээ зохион байгуулж байна.
