Баримтат гэрэл зурагчин, уран бүтээлч Б.Инжинаашийн "Meeting High" хэмээх анхны бие даасан үзэсгэлэн ирэх сарын 3-аас 14-ний хооронд Япон улсын Токио хотноо "OM system" галерейд дэлгэгдэн үзэгчдэд хүрч байна.
Б.Инжинааш 14 настайдаа Швейцарын хөгжлийн агентлаг, "Хүүхдийг ивээх сан", "Монголын Урлагийн зөвлөл"-ийн санаачилгаар хэрэгжүүлсэн “Focus&Kids” гэрэл зургийн төслийн хальсны гэрэл зургийн дугуйланд суралцжээ. Улмаар 2007 онд “Гамма” агентлагийн гэрэл зурагчин болж Монгол, Япон, Орос, Чехэд хамтарсан үзэсгэлэн гаргаж байсан билээ.
Мөн 2016 онд олон улсын гэрэл зургийн “Магнум” агентлагийн тэтгэлгийн төлөө 100-гаад орны мянга гаруй гэрэл зурагчинтай өрсөлдөн шилдэг 15-д багтаж байсан зурагчин юм.
